影片
更多
2020-05-30
203 瀏覽
晚上行到太子附近想食餃子又想食串燒，好似唔係好關事嘅兩樣野就喺呢間鋪搵到左😂餸子店環境一般都非常「家常」，呢間算係企企理理。韮菜餃唔記得左同佢講要煎，所以上左蒸餃，不過佢話唔緊要煎嘅都係咁整，所以就用同一碟幫我地煎返😂出到嚟嘅結果就係上面完全仲係蒸餃咁仲軟，只係個底被煎過硬返啲，如果一開始叫煎餃都係咁嘅質素其實唔多ok。但餃子皮同涵其實都唔錯，涵唔會過分結實同大舊，皮厚薄適中，涵同皮之間有足夠嘅位儲住肉汁，雖然質地因為返煎過有啲要蒸唔蒸要煎唔煎，但餃子本身係好食嘅~炸醬面構成極度簡單，一個肉碎炸醬同青瓜絲。個炸醬味道有啲淡，要加辣醬食先比較有感，唔推薦炸雞翼味道有種唔識形容嘅味，係一種冇食過嘅香料味？雖然話係炸，但外皮冇裹粉，入面亦唔算好嫩，整體係一個唔知點咁嘅雞翼，話難食又算唔上食左三樣野，都有種唔難食唔好食又說不上嘅感覺，有種唔係果樣食物應有味道嘅感覺，價錢正常，不過太子比佢好食嘅餃子店大有所在，都唔差在行多兩步食其他~
韮菜餃
唔記得左同佢講要煎，所以上左蒸餃，不過佢話唔緊要煎嘅都係咁整，所以就用同一碟幫我地煎返😂出到嚟嘅結果就係上面完全仲係蒸餃咁仲軟，只係個底被煎過硬返啲，如果一開始叫煎餃都係咁嘅質素其實唔多ok。但餃子皮同涵其實都唔錯，涵唔會過分結實同大舊，皮厚薄適中，涵同皮之間有足夠嘅位儲住肉汁，雖然質地因為返煎過有啲要蒸唔蒸要煎唔煎，但餃子本身係好食嘅~
炸醬面
構成極度簡單，一個肉碎炸醬同青瓜絲。個炸醬味道有啲淡，要加辣醬食先比較有感，唔推薦
炸雞翼
味道有種唔識形容嘅味，係一種冇食過嘅香料味？雖然話係炸，但外皮冇裹粉，入面亦唔算好嫩，整體係一個唔知點咁嘅雞翼，話難食又算唔上
食左三樣野，都有種唔難食唔好食又說不上嘅感覺，有種唔係果樣食物應有味道嘅感覺，價錢正常，不過太子比佢好食嘅餃子店大有所在，都唔差在行多兩步食其他~
張貼
