我是酸奶君 (已結業)

夏日炎炎行過旺角，一定會即刻想飲番杯凍冰冰嘅嘢飲，旺角有好多選擇，今次就揀咗最新開嘅我是酸奶君🤔我係一個好鍾意飲酸奶嘅人，同返大陸飲嘢都必點酸奶！期待平日下午唔係好多人排隊。我點左杯燕麥酸奶，感覺上好似健康好多咁🐷等左10分鐘都唔使就有啦，嘢飲拎上去好重手，入面有紫米同埋燕麥，佔咗杯嘢飲嘅三分之一🤪 好足料！但係飲落去就開始令人失望😓 酸奶好杰身，雖然係健康，但係唔夠甜🤢 加上啲配料同酸奶係完全冇撈好，第一啖飲落去淨係覺得食左啲配料。 仲言之，佢既敗北之處係滿足唔到鍾意飲甜野嘅人🥺 對我來講就唔係咁吸引，未必會再買第2次😲不過飲晒成杯嘢之後真係好飽肚，如果係想減肥嘅話飲呢杯野就已經可以當一餐啦🤣