十字冰室 (禮頓道)

營業中

休息中

可能實在太耐冇去旅行，呢晚我居然喺酒店瞓唔着… 未夠六點我已經坐咗喺床邊等天光🙄 難得咁早可以喺銅鑼灣呼吸下新鮮空氣，又點可以唔拍醒埋隔嚟嗰個，陪我出去食早餐喎🍽🤪朋友仔提議行遠少少去試吓 十字冰室 Cross Cafe 嘅 #十字牛奶豬骨湯，有新嘢試，我梗係樂意奉陪啦🤪 行到去保良局附近，嚟遠已經見到一個用霓虹光管砌成嘅紅色招牌，好搶眼👀 晨早流流，當然要食啲熱嘢落肚，我哋叫咗個 #沙嗲牛肉出前一丁 同 #五香肉丁通粉 做主食，當然梗係要配埋支 #十字牛奶 先至夠全面啦🫶🏻講真第一啖通粉放入口我已經有啲失望😮‍💨 通粉似乎煮(焗)得未夠火喉，個芯咬落去仲有啲粉狀😅 加上湯底唔夠熱，跟我對冰室嘅基本要求有啲距離😏 好彩個 #炒蛋、#火腿 配 #多士 味道都唔差，個炒蛋仲好滑添🤤 雖然個 #通粉 我只係食咗兩啖就放棄，全靠啪埋支 #鮮奶 就啱啱好😏臨走嘅時候，姐姐問我點解唔食晒啲嘢佢，我坦白同佢講個通粉唔多掂… 以為佢會講句唔好意思啦，點知佢話下次落單嘅時候記住加句「通粉要熟啲」🙄 哈 原來唔生唔熟先嘅通粉至係佢哋嘅標準嚟