七喜粥麵小廚

營業中

休息中

早前經過呢間舖，呢一日決定去呢間舖食午餐，去緬懷以往在灣仔店吃過的味道。這家店的座位比灣仔的更少，但相同的是依舊很多人，雖然它不是位於主要街道上。這家店，我以往最喜歡吃的是及第粥及炸鯪魚球，而最有特色的是爽滑魚皮。記得當年吃的及第粥是廿蚊，炸鯪魚球及爽滑魚皮依稀記得是跟及第粥差不多價錢，但時至今日，及第粥已升價至四十蚊一碗，而炸鯪魚球及爽滑魚皮則同樣升至五十二蚊一客，在如今荷包大縮水情況下，只能魚如熊掌，選了最想試的及第粥而放棄其餘兩樣美食。粥上來，循例拍照後，先試豬膶，呢間店做得比較老，唔夠滑，粉腸及豬肚還可以，而且份量還算充足，要數到最甩色嘅，一定係以往灣仔店最好食嘅豬肉丸，呢間店舖嘅size唔單只比灣仔店細，而且仲只係得一粒，同當年灣仔店比，相距甚遠。當然，或者依家搬咗位置嘅灣仔店水準同樣下降亦未定。睇返佢哋嘅餐牌，似乎午餐仲吸引，$56有餸有飯，仲有油菜或例湯，下次會試下，但及第粥就免啦！