霸嗎拉麵 (已結業)

五月時喺屯門分店食過，豚肉嘅霸氣令我一試難。今日行過見到原來出咗午巿套餐，價錢平好多，就決定呢度午餐啦。我哋叫咗三份午巿套餐，一份正價拉麵，套餐係好普通嘅午餐，味道可以，不過正價拉麵同我之前食嘅都有差別，係工場提供嘅質素定個別分店問題？坐就唔係咁舒適，四人枱都比較細。濃厚豬骨豚味肉拉麵，相比之前食過，豚肉無咁油潤豐富，麵亦無咁彈牙，不都都係幾好味嘅。醬炆雞叉燒味玉丼配羽根餃子(3件)，雞肉入味唔會太鹹，餃子嘅肉唔多，煎得幾乾幻好味，身飯剩係得蛋無汁撈勻好淡，唔知係唔係可以拎豉油撈。豚角蔥油撈麵配唐揚炸雞(3件)，朋友話炸雞可以，但整體麻麻，我諗一樣係因為蛋撈麵無汁好淡，可能比飯更奇怪。雞叉燒雞白湯拉麵，唔鐘意食太肥膩嘅豚肉可以選擇呢個，湯又唔濃味。綠茶可樂，貪得意試，無綠茶味。套餐送汽水。