夏茶 (已結業)

夏茶由奶蓋好HIT個段時間開始係元朗崛起，直到而家已經一段時間，依然有一班支持者，可想而知有啲料到最多朋友推介既芝士草莓雪沙賣晒，叫左以下兩款飲品：1. 芝士牛油果雪沙芝士奶蓋方面，根據一般既飲法，當然試左佢既奶蓋先奶蓋打得十分濃厚，似鮮忌廉打發９成既厚度，混合埋忌廉芝士既口感。芝士味十分重，但味道略為咸左少少。而雪沙方面，打得好綿密同細緻，牛油果咪都算突出，甜度略甜(下次可以再少甜)但混合埋芝士奶蓋一齊飲就岩岩好。沖淡左芝士既咸味，清清地幾FRESH。2. 芝士蜜桃雪沙蜜桃味好清新香甜，桃味唔會好假綿密同細緻既雪沙令佢好好好好清新，蜜桃雪沙比起牛油果好飲，但略為同芝士奶蓋唔夾。其實佢算係同區小店內，表現較為出色既一間，其他摺得既摺晒，一係淨返連鎖式既台式飲品店。夏茶水準KEEP到之外，仲會不斷推出新款式飲品，係以前喜Ｘ未出現係元朗前，一個芝士奶蓋既好選擇。