砂煲兄弟 (東港城) (已結業)

呢間餐廳開咗一段時間，位置喺東港城其中一個出入口外面，咁耐先嚟試係因為我麻麻哋煲仔飯，原來仲有粉麵選擇。餐牌小菜好多都幾吸引，精選午餐選擇相對比較少，價錢都大眾化，裝修有特色，卡座都算多，就算唔坐卡位都其他座位都幾闊落。我哋叫咗兩個午餐，一個正價意粉，一個甜品，味道一般唔特出，服務可以，人手算多。豉椒排骨炒河，無咩鑊氣，味道可以，份量正常。臘味煲仔飯，唔夠香，好普通。白汁海鮮焗意粉，個汁有啲淡，食到胡椒味粉，意粉烚到有啲過淋。邪惡金沙西多士，份量幾多，每件多士都由兩塊面包組成，上面舖滿耐高溫黑白朱古力粒，唔會因為西多士熱而溶晒影響賣相，有心思。透心涼粉冰(奶茶)，無特別。