Manecy's Studio Restaurant (已結業)

之前喺西班牙食過西班牙菜，對嗰種味道念念不忘，今次專誠嚟到位於銅鑼灣呢間西班牙菜餐廳食晚飯。一開始入到去覺得成個餐廳嘅裝修都比到我好次置身係西班牙嘅感覺，牆身用紅磚鋪成，而且有個類似酒吧嘅前台，個感覺就好似係西班牙夜晚出去同朋友飲酒談天嘅感覺。侍應都好有禮貌，好熱情咁問我地需唔需要推介食物，餐牌有好多選擇，最尾我哋揀咗傳統西班牙海鮮飯，小型德國香腸拼盤，同埋自家製蟹餅配番茄莎莎。傳統西班牙海鮮飯海鮮份量好多，成碟分量足夠兩個人食，個飯有好多汁，味道唔算太鹹，開心嘅係食得返喺西班牙食嗰種感覺。至於個小型德國香腸拼盤，有四款唔同嘅香腸，其中比較難忘嘅係中間一條好長嘅芝士腸，一切落去就已經有好多芝士汁流出黎，食落濃味，但係本身德國香腸嘅特色就在於此，另外三隻味道嘅香腸相比之下就冇咁濃味，有中和芝士腸嘅感覺。最後個自家製蟹餅入面主要用咗類似番薯做餡料，食到少少蟹味，但勝在夠炸得香脆，配埋橄欖食個味道有啲特別，係適合做下酒菜嘅小食。呢個價錢喺銅鑼灣地段算係差唔多，不過如果有套餐食嘅話就更加好啦。😇