真知味小廚

營業中

休息中

Lunch最煩諗食乜，好彩小西灣夠多茶記，總有一間在左右。今日我同同事就黎咗呢間出名荷葉飯嘅茶記，佢有個優惠午餐menu，每日7-8款有飯有粉麵，$41包例湯或熱飲，而荷葉飯就係膽黎嘅，日日都有。我就點咗泰式豬頸肉炒河，份量十足豬頸肉都幾多舊，最後打包咗2/3個河，泰式辣醬幾惹味，可惜味道偏咸。而是日中湯係赤小豆瘦肉，冇想像中咁重味精，而且瘦肉又係好足料，食極都仲有。同事點咗排骨荷葉飯，拿手菜果然冇失盡，排骨又淋又入味，飯底好香好好食，雖然個飯好大份，但最後都食得哂。呢間係小西灣唔錯嘅選擇，下次lunch會試吓泰式無骨海南雞飯。