小竹簍冒菜

營業中

休息中

因為工作關係去開紅磡嗰頭做嘢，但係之後又要趕住時間，所以都係決定買外賣，行落去附近睇咗一陣唔同嘅舖頭突然間見到呢一間小店，醒起曾經有人同我提過話佢嘅味道好有四川嘅感覺，所以就買來試吓。主菜叫咗個冒菜泉水雞，佢個湯啱啱開始唔知道，食咗兩啖發現要撈得勻循先至會更加好食，主要個味道真係好有正宗四川嘅感覺，泉水雞方面可能有少少辣，所以唔係好食得出有乜嘢特別嘅味道，同埋份量會比較少，下次可能都係會試吓嗌幾個餸，睇吓感覺會唔會唔同啲。另外加咗一個青瓜絲川北涼粉，睇落好似好辣咁但係食落其實都唔算太辣，味道都有中國風味，整體嚟講應該仲會返去試吓第二啲菜。