影片
更多
2024-05-21
87 瀏覽
稍為熟我少少嘅人都應該知我係一個mix，廣東mix 重慶，所以我身體流咗一副食到辣嘅血統。今日行過黃埔天地奇妙坊，見到有間新開嘅餐廳：遇見小麵呢間餐廳係全國有近300間分店，遍佈各大城市，例如北京同上海等地主打食一個川渝風味嘅美食入面已經滿哂人，出面都有人排緊隊，咁我都唔執輸先~一入到去，聞到一陣陣麻辣鮮香味，係重慶嘅味道呀！望一望個餐牌先，都幾多choice架喎，有辣有唔辣。就算辣，都有４個選擇：微辣、重慶辣、霸道辣及魔鬼辣。有辣，有更辣，任君選擇。我嗌咗幾味我鍾意食嘅嘢，再加個招牌菜。1. 紅碗豌雜麵等我試下個招牌菜，食之前首先要將Ｄ 麵條同Ｄ 佐料同半肥瘦五花肉撈埋一齊，等D麵條沾上D汁。撈完之後，啖啖麵都入哂味，食落口辣辣地，好惹味2. 金碗酸辣粉不嬲我都超愛食酸辣粉，呢個酸辣粉又唔會太油，加上麵條又好Ｑ彈，唔會好難咬斷。配上榨菜酸酸辣辣，入口好開胃。3. 脆皮半隻雞番茄湯麵如果食唔到辣嘅你，可以點呢一個。個湯底都重番茄味，有小小似呀媽煲嘅番茄湯。雞塊皮外脆內軟，咬落超多汁~4. 琥珀冰粉食完黎番碗冰粉，食落口好有桂花味，清清地，又唔會太甜。食落口好滑捋捋，口感好好，做飯後甜品
今日行過黃埔天地奇妙坊，見到有間新開嘅餐廳：遇見小麵
呢間餐廳係全國有近300間分店，遍佈各大城市，例如北京同上海等地
主打食一個川渝風味嘅美食
入面已經滿哂人，出面都有人排緊隊，咁我都唔執輸先~
一入到去，聞到一陣陣麻辣鮮香味，係重慶嘅味道呀！望一望個餐牌先，都幾多choice架喎，有辣有唔辣。
就算辣，都有４個選擇：微辣、重慶辣、霸道辣及魔鬼辣。有辣，有更辣，任君選擇。
我嗌咗幾味我鍾意食嘅嘢，再加個招牌菜。
1. 紅碗豌雜麵
等我試下個招牌菜，食之前首先要將Ｄ 麵條同Ｄ 佐料同半肥瘦五花肉撈埋一齊，等D麵條沾上D汁。撈完之後，啖啖麵都入哂味，食落口辣辣地，好惹味
2. 金碗酸辣粉
不嬲我都超愛食酸辣粉，呢個酸辣粉又唔會太油，加上麵條又好Ｑ彈，唔會好難咬斷。配上榨菜酸酸辣辣，入口好開胃。
3. 脆皮半隻雞番茄湯麵
如果食唔到辣嘅你，可以點呢一個。個湯底都重番茄味，有小小似呀媽煲嘅番茄湯。雞塊皮外脆內軟，咬落超多汁~
4. 琥珀冰粉
食完黎番碗冰粉，食落口好有桂花味，清清地，又唔會太甜。食落口好滑捋捋，口感好好，做飯後甜品唔會太有負擔。
張貼
