影片
更多
2008-12-09
19 瀏覽
(有圖) Itamae Kappo Hayashi 板前割煮, 吸油紙的啟示!http://hk.myblog.yahoo.com/goodboy_philip/article?mid=31617金融海潚荷包縮水但係想食正宗日本菜? 避開夜晚時段, 日頭去食啦! 繼續試下銅鑼灣鑽石大廈既日本野! 接近晏奏兩點, 好幾間日本食店都落場, 黎到呢間 "板前割煮", 好唔好食, 又睇落去?板前割煮地址: 火銅鑼灣軒尼詩道525號恒和鑽石大廈18樓由於已經接近晏奏落場時候, 人客好疏落, 只有幾枱日本人呢! 而 menu 上既選擇, 例如拖羅飯, 炸豚肉都係無哂...menu 上令我有興趣既只剩低雜錦天婦羅 set!漬物、沙律、御飯、味噌湯同天婦羅: 一口氣上, 第一眼只睇個飯, 因為 lunch 食飯, 味道固然係重要, 不過飽唔飽都要諗啊! 你知啦, 經濟唔好, 最緊要有啖飯暖肚啊! 嗚哇...雜錦天婦羅 (魷魚、青椒、蝦、鎗魚同蓮藕): 自己好怕熟既魚, 因為怕腥, 不過呢個鎗魚無咩野 woh, 炸完一 d 都無話乾身同 "鞋十十"; 食到最後一件蝦, 望望吸油紙, d 油少得離奇, 雖
http://hk.myblog.yahoo.com/goodboy_philip/article?mid=31617
金融海潚荷包縮水但係想食正宗日本菜? 避開夜晚時段, 日頭去食啦! 繼續試下銅鑼灣鑽石大廈既日本野! 接近晏奏兩點, 好幾間日本食店都落場, 黎到呢間 "板前割煮", 好唔好食, 又睇落去?
板前割煮地址: 火銅鑼灣軒尼詩道525號恒和鑽石大廈18樓
由於已經接近晏奏落場時候, 人客好疏落, 只有幾枱日本人呢! 而 menu 上既選擇, 例如拖羅飯, 炸豚肉都係無哂...menu 上令我有興趣既只剩低雜錦天婦羅 set!
漬物、沙律、御飯、味噌湯同天婦羅: 一口氣上, 第一眼只睇個飯, 因為 lunch 食飯, 味道固然係重要, 不過飽唔飽都要諗啊! 你知啦, 經濟唔好, 最緊要有啖飯暖肚啊! 嗚哇...
雜錦天婦羅 (魷魚、青椒、蝦、鎗魚同蓮藕): 自己好怕熟既魚, 因為怕腥, 不過呢個鎗魚無咩野 woh, 炸完一 d 都無話乾身同 "鞋十十"; 食到最後一件蝦, 望望吸油紙, d 油少得離奇, 雖然炸粉外層唔係好脆, 不過 fing 水功夫很好, 炸得薄而一 d 都唔油膩先係最厲害 , 隻蝦連殼食埋! 不過個人鍾意"扎實"既天婦羅口感多 d!
雪糕藍莓果涷: 明顯個果涷係落左酒, 唔嚐酒既我 "打咩打咩"!
埋單百二。落樓下掃幾串燒賣加盒維他奶頂頂肚! hohoho...
環境: 3(整潔, 齊整, 簡單, 間格多私人空間!)
衛生: 3.5(眼看見的非常清潔)
服務: 3(待應禮貌友善)
設計: 3(雖然日本食店既 menu 多數係文字, 不過個 lunch set menu 就真係不濟, 一張粉紅色紙成排字, 有 d 壓迫感, 睇左好耐! 野食擺位正常!)
味道: 2.5(味道唔太合自己心意 )
價錢: 2.5(呢個 Lunch set 價錢可以選擇同座其他日本食店)
最終評分: (2.5) 或者如 "板前割煮" 意思所講, 係師傅0係你面前切食物再煮比你食, 如果睇到料理人為你而煮, 或者食到店內最首本野食, 味道同氣氛會有唔同感覺呢!
張貼
