Green Common (將軍澳中心) (已結業)

難得小朋友想食得健康，帶佢哋食下新潮素菜，食得開心又健康。芝士焗豬扒夠趣夠香，咖喱豬扒烏冬小朋友都話好味，夠香又唔太過辣，抄手賣相一般，可以加一啲青瓜芫荽蔥就更加吸引，蟹餅嘅味道唔錯，好過好多其他地方有腥味嘅真蟹肉餅，視覺上如果蟹餅嘅份量大過沙律就更加得體，餐蛋治有水準，不過有啲貴，同埋有少少乾，多士烘得完美，其實可以搽多一層olive butter係多士上就更健康又juicy。小朋友好鍾意杯凍燕麥奶，不過杯薄荷梳打就有啲假，下次唔會再點。會員仲有八折優惠，會再去支持食素。