茶狼 (已結業)

又係星期日喺中環食完飯好口渴記得頭先行過一間cha long 就行返轉頭買嘢飲呢間鋪個logo係一個狼頭，我覺得好有型haha我哋揀咗兩杯嘢飲一杯熱嘅菊花檸檬杞子同一杯凍嘅鮮甘蔗清茶 先講杯甘蔗清茶，叫咗少甜因為怕太甜。飲落味道好新鮮甘蔗味好濃非常解渴。而且甜味唔似其他平嘅台式飲品舖用嘅糖漿。至於呢一杯熱嘅菊花檸檬杞子味道酸酸，但可能因為檸檬浸左熱水有少少苦味，菊花味都算飲得出。總括嚟講呢一間鋪嘅飲品係有質素嘅不過性價比唔算10分高可能係因為呢類型飲品普遍來講越做越貴。