影片
更多
2023-08-14
46 瀏覽
「厚興瑜手撕雞」不嬲我都會買番屋企加餸，估唔到近日發現屯門既卓爾居開左間「旗艦店」，有堂食之餘，比平時佢自家外賣店更多花臣，一場黎到，無理由唔試下佢「皇牌二人餐」🔸招牌手撕雞半隻成日都食原味，今次加左HKD5要麻辣，辣味好輕，唔會油淋淋又多一分惹味，肉質都係咁嫩滑仲好有雞味。最正係薄薄一層雞皮帶少少啫喱（雞油），滑溜之餘極少雞皮脂肪，可以連皮食。平時唔太鍾意食既雞胸，經調味後都變得好好食😋🔸自選雙拼小食涼拌雞腎同豬肚都要左原味，經麻油芝麻涼拌後，兩者爽脆又帶嚼勁，口味清爽🔸上湯魚腐娃娃菜 魚腐海綿質地同埋娃娃菜，索晒上湯精華，簡單美味🔸上湯水晶粉水晶粉平時都係麻辣涼拌多，但今次用上湯，飲得出係雞湯，無味精之餘，都幾掛湯，而且份量都唔少🔸住家靚湯今日係蕃茄薯仔雞湯，100%堅無味精👍🏻，薯仔同蕃茄肉溶晒係湯，好似屋企煲出黎🔸鮮奶水晶阿華田加左$10要特飲，阿華田校得幾濃，無冰唔會被溝淡，加左牛奶同水晶啫喱，有口感又解渴🔸香滑奶茶屬紅茶味略重既口感，但係奶同茶比例都出色，香滑順喉，幾岩我口味
「皇牌二人餐」
🔸招牌手撕雞半隻
成日都食原味，今次加左HKD5要麻辣，辣味好輕，唔會油淋淋又多一分惹味，肉質都係咁嫩滑仲好有雞味。最正係薄薄一層雞皮帶少少啫喱（雞油），滑溜之餘極少雞皮脂肪，可以連皮食。平時唔太鍾意食既雞胸，經調味後都變得好好食😋
🔸自選雙拼小食
涼拌雞腎同豬肚都要左原味，經麻油芝麻涼拌後，兩者爽脆又帶嚼勁，口味清爽
🔸上湯魚腐娃娃菜
魚腐海綿質地同埋娃娃菜，索晒上湯精華，簡單美味
🔸上湯水晶粉
水晶粉平時都係麻辣涼拌多，但今次用上湯，飲得出係雞湯，無味精之餘，都幾掛湯，而且份量都唔少
🔸住家靚湯
今日係蕃茄薯仔雞湯，100%堅無味精👍🏻，薯仔同蕃茄肉溶晒係湯，好似屋企煲出黎
🔸鮮奶水晶阿華田
加左$10要特飲，阿華田校得幾濃，無冰唔會被溝淡，加左牛奶同水晶啫喱，有口感又解渴
🔸香滑奶茶
屬紅茶味略重既口感，但係奶同茶比例都出色，香滑順喉，幾岩我口味
張貼
