影片
更多
2017-11-30
370 瀏覽
尋晚(29-11-2017 Wed)公司annual dinner o係呢間擺,我o地成班同事放o左工冇耐就去到,先坐低食啲小食,有春卷,鹹水角,炒麵,乾炒牛河,紅棗糕,燒賣等,我就食o左頭同尾兩樣共四樣.1. 燒賣大大粒,熱騰騰,因為係我攞o緊o野食時,佢o地拎出o黎.味道同口感都正常.味道: 3分2. 春卷,比普通o既長啲同粗啲,食落,已經凍o左,但仍脆口,餡係好飽滿,但唔好食,唔知係咩o野o黎,係深色o既肉碎,但既唔惹味又唔好味.味道: 2分3. 鹹水角.又係大大個,亦同樣凍o左,不過口感同味道都正常討好.味道:4 分4. 紅棗糕,一樣係凍,味道同口感都唔夠.味道: 1.5分到正式開始晚宴喇,有:1. 鴻運乳豬全體比正常乳豬大啲,女同事ZC幫我夾一件,已經凍o左,皮都脆o既,味道亦唔鹹.我同事o個啲好肥,好厚脂肪,但我o個件唔係,ZC真係識夾.味道: 3分2. 高湯焗生猛龍蝦伊麵大大碟,但見到冇湯汁, 近乎乾哽伊麵;龍蝦泡油有啲泡過龍,變o左有少少脆.而成個味道都係好淡.味道: 1.5分3. 碧綠象拔蚌蝦球蝦球大件;象拔蚌有鯹味; 碧綠就係西蘭花.味道: 3分4. 百花炸釀蟹拑都
1. 燒賣大大粒,熱騰騰,因為係我攞o緊o野食時,佢o地拎出o黎.味道同口感都正常.
味道: 3分
2. 春卷,比普通o既長啲同粗啲,食落,已經凍o左,但仍脆口,餡係好飽滿,但唔好食,唔知係咩o野o黎,係深色o既肉碎,但既唔惹味又唔好味.
味道: 2分
3. 鹹水角.又係大大個,亦同樣凍o左,不過口感同味道都正常討好.
味道:4 分
4. 紅棗糕,一樣係凍,味道同口感都唔夠.
味道: 1.5分
到正式開始晚宴喇,有:
1. 鴻運乳豬全體
比正常乳豬大啲,女同事ZC幫我夾一件,已經凍o左,皮都脆o既,味道亦唔鹹.我同事o個啲好肥,好厚脂肪,但我o個件唔係,ZC真係識夾.
味道: 3分
2. 高湯焗生猛龍蝦伊麵
大大碟,但見到冇湯汁, 近乎乾哽伊麵;龍蝦泡油有啲泡過龍,變o左有少少脆.而成個味道都係好淡.
味道: 1.5分
3. 碧綠象拔蚌蝦球
蝦球大件;象拔蚌有鯹味; 碧綠就係西蘭花.
味道: 3分
4. 百花炸釀蟹拑
都係大大個,顏色深o左啲,炸過火.食落,外面係脆,冇乜味,鮮味更加冇,食得快o既同事發現中間未熟.我o個個都係,不過範圍唔大.
味道: 0.5分
5. 紅燒海皇燴生翅
唔見有咩海皇,翅亦唔多.
味道: 2分
6. 原隻鮑魚扣金錢
金錢係芯菇,又大又厚; 原隻鮑魚唔算細隻,口感o岩o岩好,只係覺得蠔油唔夠.
味道: 4分
7. 清蒸沙巴龍躉
呢個就蒸刑o岩o岩好,唔o鞋.
味道: 5分
8. 脆皮炸一品燒雞
皮脆肉嫩,不過都係唔多夠味.
味道: 3.5分
9. 幅建炒飯
見到都幾濕同賣相麻麻,我冇食到.
10. 干燒伊麵
我就食呢個,一般.
味道: 3分
11. 美點雙輝
笑口棗同紅棗糕, 笑口棗竟然係腍,有冇攪錯?
味道: 0.5分
12. 杞子桂花糕
呢個就正常好味.
味道: 5分
服務:
開頭至中段好好,密密斟飲品,但之後唔知係味老闆唔在場同啲part time已放工,飲到冇晒都冇人斟飲品.
環境:
地方係夠大,光猛同舒適.
張貼
