吉野家 (已結業)

上個禮拜去吉野家食左個下午茶, 見到有個飯好似KFC果個又係用蘑菇汁..於是就試下呢個磨菇煎雞飯 ($24), 原本係跟熱茶, 但天氣太熱啦, 所以加左$5要杯奶茶紅豆冰試下. 磨菇飯味道真係同KFC一樣架, 個汁一樣有D黑胡椒粉味, 磨菇份量多過KFC好多, 粒粒磨菇都幾大粒, 而煎雞就冇乜特別都係原先果D. 至於奶茶紅豆冰, 啲紅豆都幾甜下, 但好彩本身杯奶茶唔太甜, 所以夾埋一齊飲甜度變得剛剛好, 我覺得都幾好飲!