好好便當 (已結業)

每次叫外賣都要等半個鐘，就算用app落定單，到取餐時間去到都係未拎得，人手超級唔夠，如果想外賣千萬唔好去到先落單，一定會後悔！（係次次都等咁耐，唔係一次半次。）最唔滿意等左成半個鐘咁耐都算，拎到個拌麵返到公司（5分鐘路程），d汁已經係呈啫喱狀......5分鐘最多係攤凍左唔熱啫，未至於變成啫喱掛？真係唔知係廚房一早煮好但執外賣個職員執得慢，定係根本一開始就煮得唔夠熱......除左以上缺點只講味道的話，味道係ok嘅，當然唔係驚為天人地好味，但正常味、唔難食，只能講呢間食店好好彩，附近冇咩台灣野食，如果唔係等咁耐應該唔會有生意。