Applegreen (已結業)

本想0係尖沙咀食西餐, 睇過食評之後決定訂位, 點知要九點半先有位, 所以最終放棄, 諗住到時再周睇圍吓食乜, 點知行勻成個尖沙咀同成個鐘都搵唔到一間似樣0既西餐廳, 有0既話, 我個friend又話食過麻麻地, 點知最後成九點幾走去呢間餐廳搏吓有冇位. 成九點半, 間餐廳仲好full, 不過好彩仲有兩個位.....餐廳唔係好大, 不過好整潔. 座位好密, 加上好嘈, 所以坐得唔係好舒服. 到點菜啦! Menu選擇都算多, 有好多沙律, 啱哂on diet0既女仔. 最後揀0左鱸魚沙律同芝士什菌雞胸. 沙律份量唔算大, 配有橙肉酸酸0地幾好味, 不過菜多少少就好啦! 另外芝士什菌雞胸個份量就好震撼, 隻碟好大, 薯蓉好多, 味道濃郁, 雞胸唔"嚡", 不過有0的"溜", 扒什菜油多了一點點, 所以都食唔哂. 最後甜品揀0左Creme Brulee, 蛋好滑, 不過焦糖硬及燶了一點點.總體來說都不錯, 服務亦很好, 我會再來試試其他菜式, 如果有特式麵包提供, 我諗會令呢餐生色不少.