BRICK LANE Deli (已結業)

今次係第二次嚟沙田brick lane。淨係記得第一次食物麻麻，所以冇再嚟。今次再嚟係因為希望俾多次機會顏色店。可惜，一見食物擺盤或冇擺盤已失望😞。價錢avocado eggs Benedict加一杯飲品賣$92，以類似takeaway服務講唔係平，中等價錢。食物樣方面，睇落寒酸，隻碟好空，一條沙律菜都冇，搞到兩件eggs Benedict 好可憐咁。個muffin 好細好薄，所以toast後非常硬，隻蛋比較熟，同埋仲有啲水，不過牛油果好好，成熟度啱啱好，份量夠，朋友三文魚egg Benedict 嘅三文魚都好，唔會死咸，hollandaise sauce都可以，咖啡都唔錯。最後叫咗件Victoria cake，又係唔得，乾、鞋、冇牛油味，嘥quota。服務態度可以，食物有改進空間。