點籽冰室 (已結業)

朝早起身返工真係需要好大嘅勇氣🙈所以話，食個靚早餐絕對係加分位，食飽先可以有精力返工吖嘛💼一碗熱辣辣嘅 香辣肉碎片頭湯米 合哂我心🐵辣肉碎好惹味，拌落米粉食就啱啱好～仲有兩粒片頭，彈牙無雪藏味，Good!早餐仲跟份 香草炒蛋同牛油餐包，炒蛋夠滑，餐包正常發揮，食完好飽肚🙈另外叫咗個多士餐，可以揀兩款醬🫙今次揀咗油占多，果占又多又厚，牛油搽得均匀，簡簡單單的美味🐵餐飲熱檸茶同凍紅豆冰都唔差🥤茶底濃醇，檸檬味出～凍紅豆冰唔會太甜，紅豆大粒飽滿，朝早飲紅豆冰真係好放肆但好高興啊🙈