影片
更多
2021-08-28
121 瀏覽
聽朋友講話呢間餐廳可以試下，跟住預早2個星期經openrice 訂抬星期5 夜晚8點 4位。 餐廳星期3 用英文Whatsapp我 confirm booking，我覆實後 然後問可唔好以比個corner靜D位置我，但完全沒有回應(預唔到唔緊要，應該要回覆)。 到星期5，大約19:50 朋友先到，佢地講出booking detail 然後等位。我20:00到然後繼續等，直到20:10有位男士出來話入面未埋單， 再到20:20再出嚟話埋緊單，正式入座大約20:30。個人嚟講 訂左位等10-15分鍾可接受，超過左就唔系咁好，餐廳Reservation可以處理好D。開始點餐， 我地叫左 2份頭盤，4碟主菜，1支啤酒。首先有位幾好禮貌嘅Waitress送上餐前嘅麵包同小食，麵包熱辣辣唔錯幾好食，其他食評有寫有影相我就無謂再講，不過碟牛油賣相比較差 （忘了影相）。迷你吞拿魚撻就無咩特別，唔知佢應該系熱定凍，我食個時系唔熱唔凍。食完以上，頭盤日式醬油漬溏心蛋多士送到。一睇好精緻，賣相吸引，溏心蛋好味。呢個絕對可以試。爲一有個擬問系我見其他openrice朋友影嘅相呢碟頭盤系應該有橄欖油淋上，我個碟
開始點餐， 我地叫左 2份頭盤，4碟主菜，1支啤酒。
首先有位幾好禮貌嘅Waitress送上餐前嘅麵包同小食，麵包熱辣辣唔錯幾好食，其他食評有寫有影相我就無謂再講，不過碟牛油賣相比較差 （忘了影相）。迷你吞拿魚撻就無咩特別，唔知佢應該系熱定凍，我食個時系唔熱唔凍。
食完以上，頭盤日式醬油漬溏心蛋多士送到。一睇好精緻，賣相吸引，溏心蛋好味。呢個絕對可以試。爲一有個擬問系我見其他openrice朋友影嘅相呢碟頭盤系應該有橄欖油淋上，我個碟系無，唔知系咪賣哂呢? XD
食完頭盤，發覺原來朋友叫嘅啤酒仲未到，問1問之下，應該漏左然後過2分鍾就送到嚟。呢樣餐廳又要留意喇， 同埋我唔系點飲酒但望落去點解會用呢類杯送啤酒嘅？有錯請指教 Orz.
等左一陣，送上第1碟主菜 廣島蠔味增醬意大利飯，整體唔錯幾香，算做熱，隻蠔都煎得好好，飯嘅口感略嫌熟左少少，缺少左Risotto嘅特色。味道方面 有少少似蠔豉粥 可能因爲D飯無左口感，但都算好濃蠔同味增味，系ok嘅。
食完第1碟後，再等左一陣，2碟 海膽醬手打意粉就嚟到。首先賣相系好吸引，顏色，擺盤都系靚嘅。之後開始食，入口後發覺意粉只系微暖，唔知系咪因爲要掛住擺盤定樓面上唔切菜，呢樣野對我嚟講大打折扣。至於意粉食落系有咬口，醬汁亦掛到落去，味道都唔錯，但可惜因爲唔熱嘅關系食到有少少腥味。 最後食到中途先醒起 唔系應該有一塊海膽? 門口大大幅相同其他食評都好似有塊海膽架?! 不過食左就無謂追究了。要嚟試嘅朋友要留意番喇。
到最後，蕃茄海鮮手打意粉送上。賣相吸引，味道好，闊條麵有咬口有蛋香， 有幾隻好大嘅蜆，2隻帶子，茄味濃郁，比之前碟意粉熱少少 (對我嚟講就仲未夠)。呢碟好食過上一碟。
整體嚟講呢間餐廳同我個標題一樣，有好有唔好，環境裝修系靚，我座嘅位置都算舒服。見到其他2人抬就好似比較細D，我相信餐廳定位都系走中高檔路線，可惜太多小問題令到唔上唔落。服務同食物如果細節位再做好D 細心D應該會更加受歡迎。不個對我嚟講就只似一次了。
題外話/補充資料：
補充下，原先我系訂4位，後來想加多一位，打電話去問餐廳話加唔到，我心諗唔緊要，但其實到我入座時旁邊同埋其位置 系可以拍到 以3個+2個 隔開少少座埋一齊的，算我無嚟個位朋友好彩啦！ 哈哈
(以上食評乃用戶個人意見 , 並不代表OpenRice之觀點。)
張貼
