影片
更多
2007-08-14
22 瀏覽
食物一般,面檔既野唔錯,尤其雲吞同埋d水餃,在下係個度食過幾次野,早午晚都試過,面檔d面既質素參差,一時就爽口彈牙,一時就"林"過d東坡肉/_\,可能企檔既師父問題啦!至於水吧,杯茶就一時甜到咩咁,一時就淡而無味,可能水吧既"師父"搵唔到個中位掛....早餐價$唔係貴,都係大路既價錢,二十蚊已經有得食,但係水吧d野就麻麻地,個d多士....凍既...d煎旦...黑色既....炒旦我覺得似煎旦皮多d囉....之前都唔會咁..唔知係咪轉左人?之前既時間就係係今年二月前.....之前個杯茶都好好飲,可以稱得上為一杯茶...得罪講句..依家個d我覺得唔可以算係茶囉...唉....樓面既服務態度唔錯,我唔明點解d人話樓面服務態度唔好?!我自己眼見有時有d入去『何明記』食野個d客,比個少少錢好似想要『五星級服務』,大佬,大零蚊你想點?我覺得『何明記』只不過係一間茶餐廳,你地想要咩態度?有既,去酒店食幾百蚊個個d早餐咪有『五星級服務』囉!我依家舉一個例子,大家自己評評理,係我食野個陣親眼見到既!!!!!!!!!!實例一:有一次大約下午二點幾差唔多三點,有一台食客,一個男人一個女人(應該係2公婆)二個
至於水吧,杯茶就一時甜到咩咁,一時就淡而無味,可能水吧既"師父"搵唔到個中位掛....
早餐價$唔係貴,都係大路既價錢,二十蚊已經有得食,但係水吧d野就麻麻地,個d多士....凍既...d煎旦...黑色既....炒旦我覺得似煎旦皮多d囉....之前都唔會咁..
唔知係咪轉左人?之前既時間就係係今年二月前.....之前個杯茶都好好飲,可以稱得上為一杯茶...得罪講句..依家個d我覺得唔可以算係茶囉...唉....
樓面既服務態度唔錯,我唔明點解d人話樓面服務態度唔好?!我自己眼見有時有d入去『何明記』食野個d客,比個少少錢好似想要『五星級服務』,大佬,大零蚊你想點?我覺得『何明記』只不過係一間茶餐廳,你地想要咩態度?有既,去酒店食幾百蚊個個d早餐咪有『五星級服務』囉!
我依家舉一個例子,大家自己評評理,係我食野個陣親眼見到既!!!!!!!!!!
實例一:有一次大約下午二點幾差唔多三點,有一台食客,一個男人一個女人(應該係2公婆)二個小朋友咁,咁呢,我聽到佢叫左一碟魚皮,前後都不過十分鐘,佢就開始追佢叫個碟魚皮,咁我聽到樓面既員工都ok有禮貌咁答佢:『等一等,師父依家好多單,好快就到』,咁好啦,轉個頭,大約二分鐘後個男人又再次追碟魚皮,我個刻已經心諗:『洗唔洗呀,好肚餓?冇得食會死咩?』咁又有一位樓面再一次有禮貌咁答佢,叫佢等多一陣,咁個男人就發矛啦,又拍檯又大大聲鬧個樓面,我好記得個個女樓面當堂喊左出黎,但個男人仲繼續鬧,哇大佬,關個樓面咩事喎,白痴架咩,你係咁有型就唔洗蝦個女仔啦,行埋去同個師父講丫嘛!咁之後就就係個陣碟魚皮到左,個男人先停左口...
(按:洗唔洗咁呀,人地打份工姐..比個小小$好似拎左佢條命咁,呢d正宗死黑衣,大家自己評評理)
小弟自已都係做呢行既,我覺得人地打份工,你冇理由要咁樣囉
最後,再講番食物既質素,廚房d野就好問心...不敢恭維....
水吧:2分(十分滿分)
面檔:8分(十分滿分)
廚房:5分(十分滿分)
樓面:8分(十分滿分)
就因為水吧+廚房令總分下降......
會唔會再去食野:有機會,不過都只會食面檔既野。
張貼