牛扒先生 (已結業)

星期日晚八點幾去到呢間餐廳唔使等位，俾佢個半自助餐餐牌吸引左。佢個沙律同甜品係任食之後叫多個正餐咁樣。入去嗰陣唔知佢個沙律吧咁大，我同爸爸都叫咗份好大份嘅正餐。正餐我地叫咗個意大利飯伴帶子同精選烤肉盤(豬肋骨，香春雞，昆士蘭腸）。沙律吧啲嘢食多到食完都差不多飽。😲平時食開意大利飯都係白汁雜菌的，今次呢個蟹肉帶子意大利飯俾到驚喜我，因為佢係用茄醬煮的。蟹肉加上茄醬燴出十分鮮甜的味道，食左一啖就已經大讚👍🏻飯軟硬適中唔會好似生米咁要咬。反而得兩粒帶子係面好似太小。豬肋骨烤得太耐了，烤得很黑肉質很乾，好似用水煲完才烤咁，沒有肉味。雞都係一樣太乾。昆士蘭腸就煮得油了。食這碟烤肉盤，倒不如淨係食沙律吧。已經飽到根本無能力食甜品了。