雪吧餐廳 (已結業)

同朋友一坐低點左杯signature cocktail飲野cocktail名係 “lost in forest”，見到佢個名幾特別，杯嘢飲分左上下兩層，上面係白色泡泡，下層係綠色嘅綠茶，飲落去好清新好fresh！酒味唔算太濃，不太好酒嘅人可以一試，不錯的！👍🏻另外餐牌裏面仲有其他主食，叫左芝士餃子，餃子中間個頂擺左一條芝士，芝士鹹鹹地但唔會太鹹，為餃子增添上煙韌口感。入面嘅餡料類似咖喱角，有少少咖喱味，很香口。蒜香辣蝦超足料，有12隻蝦。以呢個價錢黎講真係超級抵食呀！😻加左辣椒碎嘅蝦好新鮮，完全冇鯹味，辣度剛剛好，果種辣味係慢慢辣出黎。唔會辣到食唔到下一嚿，適中嘅辣味反而刺激左我食慾，食完一嚿重想繼續食下一嚿！😋另外我好欣賞呢度嘅環境，有唔同嘅玩樂設施，可以比我好嘆咁享受。