影片
更多
2022-01-04
261 瀏覽
🌹Damascus Rose Wonderland $328鹹甜點每樣各2份 亦包咗2杯嘢飲 可以揀茶或咖啡以呢個價錢cp值絕對爆燈🦐香檳金蝦餃以粉紅色嘅玫瑰水皮包住蝦肉雖然餃皮食唔出玫瑰味但入面嘅蝦肉好爽彈 而且算係皮薄餡靚表面加咗少少金箔點綴 好IGable🐟玫瑰水金魚餃 我一向對造型食物無咩好感覺得通常都係得個樣唔會好食味道同上面嘅香檳金蝦餃食落差唔多不過餡料就多咗帶子 甘筍同埋西芹 食落有啲脆脆嘅口感湯底好清甜 係會想就咁飲嗰隻🌺花之戀對花之戀嘅認知就係三文魚刺身但因為唔食魚生所以從來都無食過呢個花之戀就當然唔係魚生係包到花型嘅蝦肉春卷外皮炸得香脆 而且唔會油膩膩 就算同朋友傾咗陣計先食都無變腍或者出油😍上面有啲蟹籽粒 增加口感🌿粉紅田園雜菜粿同樣係用咗粉紅色嘅餃皮 會比上面蝦餃皮厚少少有啲煙韌感入面包住爽脆嘅雜菜粒同埋啲菇菌 口感好好而且有啲小清新終於介紹到甜點啦😆🌹大馬士革玫瑰馬豆糕同鹹點唔一樣 佢真係有淡淡嘅玫瑰味 好清香不過馬豆糕囗感就偏腍🥭粉紅芒芒 呢個似椰絲芒果糯米卷 薄薄嘅糯米皮包住一大舊香甜嘅芒果🥧大馬士革玫瑰燕窩蛋撻 成日聽人講燕窩好啱女仔食 可以提高免疫力之
Damascus Rose Wonderland
$328
18 瀏覽
0 讚好
0 留言
鹹甜點每樣各2份
亦包咗2杯嘢飲 可以揀茶或咖啡
以呢個價錢cp值絕對爆燈
🦐香檳金蝦餃
以粉紅色嘅玫瑰水皮包住蝦肉
雖然餃皮食唔出玫瑰味但入面嘅蝦肉好爽彈 而且算係皮薄餡靚
表面加咗少少金箔點綴 好IGable
🐟玫瑰水金魚餃
我一向對造型食物無咩好感
覺得通常都係得個樣唔會好食
味道同上面嘅香檳金蝦餃食落差唔多
不過餡料就多咗帶子 甘筍同埋西芹
食落有啲脆脆嘅口感
湯底好清甜 係會想就咁飲嗰隻
🌺花之戀
對花之戀嘅認知就係三文魚刺身
但因為唔食魚生所以從來都無食過
呢個花之戀就當然唔係魚生
係包到花型嘅蝦肉春卷
外皮炸得香脆 而且唔會油膩膩
就算同朋友傾咗陣計先食都無變腍或者出油😍上面有啲蟹籽粒 增加口感
🌿粉紅田園雜菜粿
同樣係用咗粉紅色嘅餃皮
會比上面蝦餃皮厚少少有啲煙韌感
入面包住爽脆嘅雜菜粒同埋啲菇菌
口感好好而且有啲小清新
終於介紹到甜點啦😆
🌹大馬士革玫瑰馬豆糕
同鹹點唔一樣 佢真係有淡淡嘅玫瑰味 好清香不過馬豆糕囗感就偏腍
🥭粉紅芒芒
呢個似椰絲芒果糯米卷
薄薄嘅糯米皮包住一大舊香甜嘅芒果
🥧大馬士革玫瑰燕窩蛋撻
成日聽人講燕窩好啱女仔食
可以提高免疫力之餘又有美容護膚嘅功效
蛋撻嘅蛋味好濃而且滑捋捋
撻皮鬆化亦唔會油膩膩
🥯甜蜜玫瑰饅頭
饅頭質地軟綿綿 可以話係入口即溶😂
不過對比落就比較普通
唔係佢唔好食只係其他太出色
🍠流心紫蕃薯
呢個係我最最最鍾意嘅一款
係名副其實嘅外脆內軟
外皮炸得香脆又帶啲煙韌 好QQ💜
一咬開就見到熱辣辣嘅流心紫薯餡 甜而不膩
張貼
