影片
更多
2017-03-15
389 瀏覽
放工黎左食餃子，晚飯時段都幾多人，等左一陣有位，原來店內很大，內邊仲有一個房間有幾張長枱。坐低睇下餐牌，勁多款餃子雲吞，有好幾樣野都想食，一口氣叫哂佢先。落完單，店員見我地生面口，解釋下佢地啲自家出品，枱上兩種辣醬都係自家制嘅，一種食雲吞用，一種食餃子用，兩種都很香，唔算好辣，貪心地落了很多。枱上仲有呢個醃蘿蔔任食，同樣係自家制，店員話用糖同白醋浸嘅，無添加，而加好少有㗎啦，鍾意食仲有得賣走添試幾粒先，好爽口好開胃，堅酸，食多幾粒後又覺得無咁酸嘞，仲幾好味喎。黃金原味皮蛋（＄25）點解有黃色皮蛋嘅？黃色又幾得意喎，但好似同普通皮蛋味道上無乜分別，最正係個辣椒油，撈住皮蛋食勁惹味。至尊松茸豬肉餃（＄65）見餐牌上寫話係養生餃子黎，咁少見一於試下呢個招牌貨，唔點任何醬料食下佢嘅原味先，真係有菌味嘅清香，餡料很juicy，好味！不過65蚊八隻有點少貴，好彩佢有個狀元湯送，感覺抵返芫荽豬肉餃（＄38）餡料豬肉多過芫荽，個人覺得可以再重啲芫荽味，啖啖肉幾正。松茸腐皮卷（＄30）再叫埋呢樣招牌野，呢個菌味更濃郁，咬落去全部都係菇好正香煎軟心芝士餃（＄48）芝士控要叫了！入面啲芝士餡做到拉絲效果，一
坐低睇下餐牌，勁多款餃子雲吞，有好幾樣野都想食，一口氣叫哂佢先。落完單，店員見我地生面口，解釋下佢地啲自家出品，枱上兩種辣醬都係自家制嘅，一種食雲吞用，一種食餃子用，兩種都很香，唔算好辣，貪心地落了很多。
枱上仲有呢個醃蘿蔔任食，同樣係自家制，店員話用糖同白醋浸嘅，無添加，而加好少有㗎啦，鍾意食仲有得賣走添
試幾粒先，好爽口好開胃，堅酸，食多幾粒後又覺得無咁酸嘞，仲幾好味喎。
黃金原味皮蛋（＄25）點解有黃色皮蛋嘅？黃色又幾得意喎，但好似同普通皮蛋味道上無乜分別，最正係個辣椒油，撈住皮蛋食勁惹味。
至尊松茸豬肉餃（＄65）見餐牌上寫話係養生餃子黎，咁少見一於試下呢個招牌貨，唔點任何醬料食下佢嘅原味先，真係有菌味嘅清香，餡料很juicy，好味！不過65蚊八隻有點少貴，好彩佢有個狀元湯送，感覺抵返
芫荽豬肉餃（＄38）餡料豬肉多過芫荽，個人覺得可以再重啲芫荽味，啖啖肉幾正。
松茸腐皮卷（＄30）再叫埋呢樣招牌野，呢個菌味更濃郁，咬落去全部都係菇好正
香煎軟心芝士餃（＄48）芝士控要叫了！入面啲芝士餡做到拉絲效果，一定要襯熱食，軟綿綿芝士餡加上煎得香脆的外皮太正了
中山金吒蒸餃子（＄35）個樣好似老鼠仔一籠三隻肥嘟嘟。
餡料係濃濃的南乳同豬肉粒，超熱勁燙嘴，小心食呀～
狀元九鼎湯叫松茸餃有湯送，熱辣辣無味精的湯水，清甜好飲，好有家的味道。
叫得太多好飽，暖笠笠大滿足
張貼
