Treats (已結業)

聽人話呢間車仔麵係小儀開既，又開正係公司樓下，咁就不妨去試下啦。佢係開係『TREATS』呢個food court入面，買野食係要先係自助點餐機落單比錢，可以比八達通或Paywave，要比現金就要去另一個櫃檯。我叫左個三餸麵，無加野飲，盛惠$43蚊。價錢都算合理，好似同永年同一水平。行到埋去，點左油麵豬紅魷魚雞翼，然後最重要係加啲腩汁。講重點，味道。老實講，佢只屬正常水平，味道（在我來說）似乎不及永年同銅鑼灣新記。不過，佢麵既份量係算大份啲，都算係優點之一。聽人講，好似話另一間分店好食好多，有機會去試下先。