影片
更多
2019-05-13
1776 瀏覽
唔知從幾時開始，連鎖式酒樓就同「唔好食」呢三個寫字掛鉤！每次總係令人失望，其實價錢又唔係平，點解一定要唔好食呢？ 唔怪得星期五晚市都坐唔滿啦！今晚同屋企人去預祝母親節。人少少叫幾個小菜食下啦！XO醬爆蚌片：蚌食得出絕對係冷藏嘅。又霉又淋， 好彩XO醬蓋過咗佢嘅雪味。食得嘅。欖菜肉鬆四季豆：成餐飯最好食就係呢個啦，欖菜肉鬆夠惹味，微辣，小朋友唔晒食。沙拉帝王蝦球：一個字「差」！兩個字「極差」！沙律醬結到一嚿嚿，炸蝦球啲粉又厚又淋。咬落成嚿粉...已經唔奢求隻蝦仔係新鮮，但都唔好細都咁啦！濃味海味雜菜煲：一般雜菜煲不過不失。所以算最正常嘅一個菜醬燒惹味牛仔骨：個汁夠濃好惹味，但當然都勁咸。不過都算唔錯啦（比起其他）桂花糕送嘅，最好食！ 可能唔使錢冇要求啦！總括嚟講成餐飯又貴又唔好食。就食咗八百幾啦⋯⋯
今晚同屋企人去預祝母親節。人少少叫幾個小菜食下啦！
XO醬爆蚌片：蚌食得出絕對係冷藏嘅。又霉又淋， 好彩XO醬蓋過咗佢嘅雪味。食得嘅。
欖菜肉鬆四季豆：成餐飯最好食就係呢個啦，欖菜肉鬆夠惹味，微辣，小朋友唔晒食。
沙拉帝王蝦球：一個字「差」！兩個字「極差」！
沙律醬結到一嚿嚿，炸蝦球啲粉又厚又淋。咬落成嚿粉...已經唔奢求隻蝦仔係新鮮，但都唔好細都咁啦！
濃味海味雜菜煲：一般雜菜煲不過不失。所以算最正常嘅一個菜
醬燒惹味牛仔骨：個汁夠濃好惹味，但當然都勁咸。不過都算唔錯啦（比起其他）
桂花糕送嘅，最好食！ 可能唔使錢冇要求啦！
總括嚟講成餐飯又貴又唔好食。就食咗八百幾啦⋯⋯
張貼
