影片
更多
2024-12-31
189 瀏覽
有人請客！第一次食呢間餅店的出品，之前亦未聽過佢個名。雜錦撻的䄠盒包裝好華麗，送禮非常適合。唔知有冇人會買嚟自己食呢？感覺佢行送禮路線，包裝最緊要先聲奪人。拆開外盒後會見到12小格，內裡放有唔同口味的撻，包裝亦附小卡說明各款口味，方便挑選。我就揀咗開心果阿華田味。開心果阿華田：撻皮唔錯，夠薄，少少鬆軟，應該係朱古力味，但味道唔濃。餡亦只食到淡淡的開心果味，而阿華田味亦唔突出。整體嚟講，件撻唔甜，但所有味道都好淡，各種口味的香濃度都唔夠搶，呢點唔知係好定壞。論配搭，開心果同阿華田本身麻麻地夾，但因為兩者都淡味，出到嚟係冇乜違和感，當然亦冇話好和諧。食完件撻，都幾空虛。由於件撻超迷你，所以喺好奇心驅使下，食之前磅下，佢只得28.3克（呢款多唧花，應該比較重），好處係食2-3件都會好邪惡，之不過，1盒12件，估計西餅淨重~300克，1磅都唔夠，雖然唔知賣幾多錢，但就唔化算。各款撻的造型的確幾靚，打卡一流。如果自費，就肯定唔值，性價比低；如果送禮者只求收禮人拆盒當下的一個wow effect，都可以考慮，不過，要預咗食完之後印象就唔深刻喇~
拆開外盒後會見到12小格，內裡放有唔同口味的撻，包裝亦附小卡說明各款口味，方便挑選。我就揀咗開心果阿華田味。
開心果阿華田：撻皮唔錯，夠薄，少少鬆軟，應該係朱古力味，但味道唔濃。餡亦只食到淡淡的開心果味，而阿華田味亦唔突出。整體嚟講，件撻唔甜，但所有味道都好淡，各種口味的香濃度都唔夠搶，呢點唔知係好定壞。論配搭，開心果同阿華田本身麻麻地夾，但因為兩者都淡味，出到嚟係冇乜違和感，當然亦冇話好和諧。食完件撻，都幾空虛。
由於件撻超迷你，所以喺好奇心驅使下，食之前磅下，佢只得28.3克（呢款多唧花，應該比較重），好處係食2-3件都會好邪惡，之不過，1盒12件，估計西餅淨重~300克，1磅都唔夠，雖然唔知賣幾多錢，但就唔化算。各款撻的造型的確幾靚，打卡一流。如果自費，就肯定唔值，性價比低；如果送禮者只求收禮人拆盒當下的一個wow effect，都可以考慮，不過，要預咗食完之後印象就唔深刻喇~
張貼
