影片
更多
2010-01-07
5 瀏覽
今次選了日與夜,全因佢夠就腳,旺角.一個基本上一星期都會去一次既地方,我地一行十人,搵了個旺中帶靜既位置集合.一見面就好似10年冇見咁.而事實上,數數手指又真係十年冇見喎!大家都懷著興奮心情走進日與夜,感覺良好.餐廳分開兩個單位,好明顯右手邊單位較似cafe,有梳化,又可以點歌.不過我地成10個人,迫住要過另一邊單位,冇裝修,不過可以俾我地10個女仔嘈足一晚都應該唔會有人趕.10個之中,有5個係為左食.散叫都唔平,索性buffet算.侍應們好nice,都係後生哥哥.係就係親民,不過唔識招呼呢~其中有一個朋友做了member,哥哥就答應可以作9折.是日晚餐:- 日式前菜類>> 八爪魚, 中華沙律, 螺肉等,我地叫左兩次, 好快清晒 三文魚>> 有種怪味,不過照食可也.又係叫左兩次,實在太肚餓喇~ 炸物>> 魷魚圈, 炸豆腐, 炸餃子等等, 其中雞翼係最易入口. 面豉&豬骨湯>> 冇難度!就係將出前一丁既面豉湯底又或者係豬骨味湯底加幾十碗水而成,大家可以試下,個豬骨湯好似飲緊忌廉湯or生粉水咁. 蜜桃茶>>
大家都懷著興奮心情走進日與夜,感覺良好.餐廳分開兩個單位,好明顯右手邊單位較似cafe,有梳化,又可以點歌.不過我地成10個人,迫住要過另一邊單位,冇裝修,不過可以俾我地10個女仔嘈足一晚都應該唔會有人趕.
10個之中,有5個係為左食.散叫都唔平,索性buffet算.侍應們好nice,都係後生哥哥.係就係親民,不過唔識招呼呢~其中有一個朋友做了member,哥哥就答應可以作9折.
是日晚餐:-
日式前菜類>> 八爪魚, 中華沙律, 螺肉等,我地叫左兩次, 好快清晒
三文魚>> 有種怪味,不過照食可也.又係叫左兩次,實在太肚餓喇~
炸物>> 魷魚圈, 炸豆腐, 炸餃子等等, 其中雞翼係最易入口.
面豉&豬骨湯>> 冇難度!就係將出前一丁既面豉湯底又或者係豬骨味湯底加幾十碗水而成,大家可以試下,個豬骨湯好似飲緊忌廉湯or生粉水咁.
蜜桃茶>> 最靠得住,一定唔會飲死人.
壽司類>> 種類不多,醋味勁濃. 其中鰻魚入口即溶,只可以用"得人驚"來形容!
炸蝦天婦羅>> 可以接受
泡芺>> 送既, 食左咁耐終於有樣似樣d喇...感恩~
去過好多mk上樓cafe,氣氛最好係今次,可能係一大班人既關係.食物就一向唔睇好,今次都唔例外,連唔洗烹調既食物都唔好食,再一次証明上樓cafe好難做得起!
上菜慢之外,好多時都唔足數,俾少一半等等.想追加咪再填紙囉,不過又唔知等到幾時喎.個buffet又食得果兩個中,等菜就用左30mins,自己計計數喇~
今次我地仲同朋友仔慶祝生日,用餐廳碟每人要加兩蚊.咁唔通用手食咩??
最後埋單,另一個侍應過來.我地check單發覺冇9折,搵番原先俾9折既waiter理論.佢既答案係,個9折係答應下次先可以用.10個人9個都聽到係今次,我地對耳有病囉!最後嘈左一輪,先計番個9折.我話明唔會再黎.不過傾下計,大家都可以考慮下~
張貼
