Chang Thai Restaurant & Bar (裝修中)

銅鑼灣的確有好多食肆可以揀，不過環境又好，而價錢相宜，味道又好嘅就未必有咁多。呢間泰菜餐廳佈置得好靚，仲一直播住泰文歌，好有feel🤣，未食就已經覺得似喺泰國。招牌泰式青芒魚呢碟魚好架勢，成個擺盤都好有心思。條魚要hold 住咁嘅姿勢係要炸嘅時候幫佢定型，步驟都唔容易。魚炸得好脆口，起埋骨吃得好爽。青芒估唔到咁好食，有D 爽，有D 淋，吸曬D 酸甜汁好開胃香葉辣炒肉碎食泰菜通常都會點，肉碎份量成大碗飯咁多，辣得好過癮，生菜好新鮮，夾埋一齊減低罪惡感🤣，如果有白飯撈就prefect 泰式蝦醬炒飯蝦醬好香，飯身唔濕亦唔油， 食得出有鑊氣。碟飯仲有配埋青瓜、腰果、肉鬆、蛋絲、泰式蠟腸。泰式飯有呢D 配料都好重要，咁就接近還原喺泰國食到嘅風味。重點係配菜都好好食。銅鑼灣呢個環境，呢個價位，呢個質素，都真係值得試下。