Monster Sushi (已結業)

相約友人嚟到Monster Sushi午餐，好好彩地早咗少少嚟，完全唔需要等位，但大約1點就開始多人啦! 所以座位偏窄，不過尚算坐得舒服。我幾鐘意呢度餐廳的佈置，掛上一個個金色的吊燈波波，好唯美 一場嚟到當然要試試刺身同壽司，我們分別點咗個「北海道寶船丼」及「刺身定食」，每個SET都送前菜沙律、蒸蛋及麵豉湯。前菜沙律、蒸蛋及熟油金魚腩排列得好整齊，沙律好新鮮，用醬油整，中間的蒸蛋質感好滑身，不過食食下覺得有D水，食咗少少右手邊的食物，至問問侍應最右手邊係乜嚟，原來係熟油甘魚，肉身不太鞋，醬汁帶點醋酸。刺身定食附送白飯，雖然大部份刺身同北海道寶船丼相似，但分別在呢個多咗油甘魚，八爪魚同吞拿魚碎卷。整體刺身都好新鮮，三文魚肥美甘香，而八爪魚亦好爽口，其中最好食係帶子，肉質厚身，啖啖肉，又滑一滑，食得出好鮮味。北海道寶船丼價錢貴少少，但有我最中意的鰻魚同三文魚籽。三文魚籽帶點軟身，一咬落去，魚籽汁湧出嚟，好好味。而炭烤的鰻魚好香，用嚟送飯最啱。順帶一提，船丼內有蟹膏，一D都唔腥。今次係首次嚟呢到食午餐，食物味道及環境不錯，有待下次再戰!