影片
更多
2010-05-31
5 瀏覽
位於荃灣綠楊坊嘅南翔饅頭店，佢初初喺綠楊坊開張時係人氣長籠店，當時未夠五點半已經要排定隊等六點入去食晚飯；對上一次幫襯已經係兩年前嘅事，當時食物水準不俗，但今次再光臨就覺得有點兒退步，唔知係咪因為近年開多咗好多有實力嘅上海菜館在有相比之下覺得差咗呢？但事實我哋今次六點半晚飯時侯到就唔洗排隊~~~今晚我哋兩個人去食，張枱好細，我哋一共叫咗八個菜，落Order後等十分鍾右食物就陸續送到：鮮肉小籠包 ($33) – 個皮比較厚，但湯汁就豐富，不易夾穿，豬肉不太肥亦不太渡，肉餡份量多，OK！鍋貼 ($18) - 個皮煎得不太燶，但仍然好有脆嘅感覺，入口柔軟，鍋貼餡量足，仲唔倒咁好食！清炒河蝦仁 ($92) – 晶緻上海菜，蝦仁爽滑，味香好食，但份量太少~~~糖醋魚塊 ($52) – 食落無糖醋感覺，反而似茶餐廳嘅咕嚕，魚塊不多，麻麻哋~~~豬頸肉炒麵 ($44) – 純屬飽肚之作，不能期望過高，中規中矩~~~原盅竹笙燉雞 ($30) – 竹笙得兩小件，雞件又係兩小件，個湯充滿娃娃菜，我哋唔係要菜湯，失敗之作~~~荳沙窩餅 ($25) – 整得唔錯，荳沙份量適中，水準之作~~~高力豆沙 ($25
今晚我哋兩個人去食，張枱好細，我哋一共叫咗八個菜，落Order後等十分鍾右食物就陸續送到：
鮮肉小籠包 ($33) – 個皮比較厚，但湯汁就豐富，不易夾穿，豬肉不太肥亦不太渡，肉餡份量多，OK！
鍋貼 ($18) - 個皮煎得不太燶，但仍然好有脆嘅感覺，入口柔軟，鍋貼餡量足，仲唔倒咁好食！
清炒河蝦仁 ($92) – 晶緻上海菜，蝦仁爽滑，味香好食，但份量太少~~~
糖醋魚塊 ($52) – 食落無糖醋感覺，反而似茶餐廳嘅咕嚕，魚塊不多，麻麻哋~~~
豬頸肉炒麵 ($44) – 純屬飽肚之作，不能期望過高，中規中矩~~~
原盅竹笙燉雞 ($30) – 竹笙得兩小件，雞件又係兩小件，個湯充滿娃娃菜，我哋唔係要菜湯，失敗之作~~~
荳沙窩餅 ($25) – 整得唔錯，荳沙份量適中，水準之作~~~
高力豆沙 ($25) – 油多，而且表面不痴糖，失準之作~~~
整體嚟講，比起兩年前嗰次呢度嘅食物水準真係有點兒退步，唔怪得之星期六晚都唔洗等位乜滯；碗碟間中發覺不太乾淨，呢點真係要注意；還可稱讚嘅係服務員嘅禮貌同態度，佢哋都好積極，上菜收碟亦有禮貌。在競爭激烈嘅飲食界，希望此店能有改善，唔好嘥咗個老字號。
今餐兩個人食，每人$8茗茶錢，加一之後再有5%折扣(晚上八時前離坐)共$350，上海菜晚餐都唔算話好抵食！
張貼
