Erawan Thai Premium (已結業)

難得一次聚餐，同兩三位朋友一致決定試下呢間泰國菜。預先訂左7點半檯，要讚的是好快就安排到位，唔似其他餐廳 book 左好似無book 咁去到仲要你等。地方尚算寬闊，我地被安排到餐廳的死角位。由於係我先到攞位，坐定就通知朋友位置。依家呢個時代，餐廳人手唔夠好似變左日常。我坐左喺度10分鐘，餐牌又無，水又無杯！直至我揚手叫侍應，仲要叫左第二次先有人理下我。嘢食方面，味道係ok 的。我地總共叫左6樣嘢，分別係：青咖喱雞，芝士烤餅，豬頸肉粉絲煲，柚子沙律，串燒雞 and 蒜蓉炒椰菜苗。突登點個芝士烤餅就係想配青咖喱，但係就漏單！其他嘢食就上齊。想點先？追單咯！Anyways，呢間餐廳都叫有誠意o既。為表歉意，佢地送左原味烤餅比我地。➕左少少分。埋單的時候精打細算的我當然會check 單。一睇...發現被double charge on 芝士烤餅！又想點？！博d 客多數埋單唔check 單？！送就送原味烤餅，但張單就charge我地double on 芝士烤餅...咪即係唔係送？！芝士烤餅貴d 架啵......Adjust 完張單總數係$800，位位$200。呢餐飯就係周旋於加分與扣分之間...