薩莉亞意式餐廳 (利東商場二期)

營業中

休息中

「薩莉亞」係全港最平嘅意大利餐廳， 呢一點不容置疑，冇人可以否定，佢嘅價錢已經超越平民價，基本上人人都可以畀得起，但係食物嘅質素就唔太穩定，有時會好好食，有時就未必。濃厚芝士燒雞，睇起上嚟好似好正，好厚芝士好濃，好好味咁樣，但係其實只係金玉其外，外表美麗內裏豆泥。首先個鐵板唔夠熱已經係失敗，粟米冇粟米應有嘅甜味，薯角好硬身，雞扒係好大件， 不過又唔夠香口，但係煮得好柴皮，個芝士sauce個味道係好rich，不過唔夠creamy而且好咸。 味道唔好，真係有待改善。