666泰船麵 (仁愛街) (已結業)

一間食物水準一般的泰國菜餐廳，食物點了四款，牛肉湯河喇沙湯底，配料有炸豬皮，牛腩，肥牛，牛丸，配黃麵，材料一般，湯底味道足，盡飲。泰式炒肉碎少辣配飯，味道適中，肉碎稍嫌嚡口及乾身，整體尚可。炸蝦餅比上不足，比下有餘而已。泰式腐乳通菜，只係白烚通菜淋上啲好咸的腐乳醬。全部食物份量超迷你，完全食唔飽。餐廳不設廁所，如有需要只可以去對面公園的公廁，餐廳不願意為客人負責，但卻要收加一服務費，係我去過所有餐廳俾加一最不滿意的一間，負評是咎由自取。