影片
更多
2021-12-12
193 瀏覽
見價錢唔錯就嚟試吓，見餐廳入面都坐滿人，而且裝修好有日本味道，就更加想試吓，最終排咗約25分鐘入座。今次試咗石燒濃厚豚骨魚介味玉沾麵🍜，魚介湯用石鍋上，食到堅魚細粒，⚠️ 但唔係濃味，係鹹味為主，食完會好口渴。 假如鹹到連特色都食唔出，就變咗做濃鹹... 🍋而唔想咁鹹，加咗檸檬汁係會好少少，本先想食嘅係原味，但真係頂唔到咁鹹。🍜 麵選擇咗暖身麵，但唔太覺有麥香，有啲普通。🍜 麵同湯配合嚟食，算可以接受，但湯嘅份量唔多，好快俾啲麵吸哂。🥬筍厚身，爽，無渣。🐷 香口，但勁肥，油多過肉。🥚 鰹魚糖心蛋好味🥛每枱都有一壺檸檬水，唔想影響魚介湯本身嘅味道，所以無額外叫飲品。做會員免費👍仲有優惠劵！要留意有啲只係可以平日/星期3用，有啲講明只係可以用喺拉麵度，好似我哋叫沾麵就用唔到喇，同埋好多都係2人以上優惠嚟嘅。服務方面有待改進，明白同事返工有壓力係需要宣洩情緒，呻吓都好應該，但喺尖沙咀，一個充滿日式拉麵風情嘅拉麵店度，大聲互講粗口，狂呻咗過半個鐘，我就覺得要全場客都一齊俾錢受罪唔太好，而且好似我咁有幾位客人都提問會員優惠事宜，同事都唔好語氣回覆「你個係沾麵嚟，都寫明得拉麵先用到」，「哩個平日先用
今次試咗石燒濃厚豚骨魚介味玉沾麵🍜，
魚介湯用石鍋上，食到堅魚細粒，
⚠️ 但唔係濃味，係鹹味為主，食完會好口渴。 假如鹹到連特色都食唔出，就變咗做濃鹹...
🍋而唔想咁鹹，加咗檸檬汁係會好少少，本先想食嘅係原味，但真係頂唔到咁鹹。
🍜 麵選擇咗暖身麵，但唔太覺有麥香，有啲普通。
🍜 麵同湯配合嚟食，算可以接受，但湯嘅份量唔多，好快俾啲麵吸哂。
🥬筍厚身，爽，無渣。
🐷 香口，但勁肥，油多過肉。
🥚 鰹魚糖心蛋好味
🥛每枱都有一壺檸檬水，唔想影響魚介湯本身嘅味道，所以無額外叫飲品。
做會員免費👍仲有優惠劵！
要留意有啲只係可以平日/星期3用，有啲講明只係可以用喺拉麵度，好似我哋叫沾麵就用唔到喇，同埋好多都係2人以上優惠嚟嘅。
服務方面有待改進，
明白同事返工有壓力係需要宣洩情緒，呻吓都好應該，但喺尖沙咀，一個充滿日式拉麵風情嘅拉麵店度，大聲互講粗口，狂呻咗過半個鐘，我就覺得要全場客都一齊俾錢受罪唔太好，而且好似我咁有幾位客人都提問會員優惠事宜，同事都唔好語氣回覆「你個係沾麵嚟，都寫明得拉麵先用到」，「哩個平日先用得，今日星期六，睇字啦」，「你得1個人咋，哩度起碼要2碗先得啦，係咪加單」，而其中有1位客人願意加單，即時服務態度轉咗...假如管理層見到，麻煩改善服務質素。
總括： 普通，偏鹹，食物同服務質素都有需要改善。唔改善，就唔值得再嚟。
張貼
