甜館

營業中

休息中

今日跟老公食完dinner，就去了搵甜品食。見到天橋下有間新鋪頭，緊係入去幫襯下。一到去，環境好乾淨企理(馬鞍山區少見)。侍應遞上menu，一見d 相已經覺得好吸引，有窩夫啦、拿破崙啦、心太軟等等，真係花多眼亂。諗左好耐，最終選了個心太軟和鮮果沙巴翁雪糕。心太軟不過不失，好好食，個人覺得朱古力味不夠濃，但口感和流心的程度好好，不會一切個心太軟就會散晒。鮮果沙巴翁是新嘗試，可惜兩者唔係好夾，沙巴翁加上鮮果上視覺效果係好好，但本身無咩味，令到鮮果味都有影響。總括來說，我覺得這間甜品店製作很用心，我會再試，因為我想試埋佢地個窩夫，我見台台都有食，好似好吸引。