影片
更多
2018-09-25
1430 瀏覽
部門中秋聚餐，今次轉食上海菜！第一次嚟金滿庭，店內寬敞有好多卡位，最適合4人同行。卡位設於店內兩旁，中間就設有大圓枱，當然亦有私隱度高嘅廂房！中間嘅圓枱較迫，同前後都非常親密，如果一大班人幫襯又想坐得舒服嘅話，就最好預約廂房喇！唔知係咪中午食飯時間人多，人手唔夠，冇人傳菜嘅關係，大部分嘅餸菜都只係暖暖地，唔太熱 中菜始終都係熱食最好嘛！因為部門聚餐，今次就叫好多飽肚嘅澱粉質！回鍋肉炒年糕 - 一次食晒兩大皇牌，回鍋肉唔熱，所以年糕都硬咗少少。味道方面同傳統三六九相比就略為淡口啲，突顯唔到上海菜嘅濃油赤醬嘅特色！金磚豆腐 - 粉漿好薄，豆腐本身非常嫰滑，唔會死實實咁。但同樣地因為唔熱嘅關係，外皮就唔夠脆，而且粉漿基本上係冇味嘅，只係炸好後灑上七味粉，所以非常清淡。皇牌小籠包 - 暖暖地易入口，味道鮮美。柚子雞 - 即係炸雞上面淋上柚子汁，炸雞炸得乾脆，柚子汁清爽解油膩，同炸雞係絕配！咕嚕肉 - 香脆味濃，甜甜酸酸，應該無人會唔鍾意嘅！銀牙肉絲炒麵 - 彈牙蛋麵用中火煎成麵餅，煎到脆卜卜，淋上銀牙肉絲汁，令到一碟麵有脆、彈牙兩種口感，讚素菜春卷 - 春卷皮比一般酒樓厚啲，配全素菜（椰菜，甘
第一次嚟金滿庭，店內寬敞有好多卡位，最適合4人同行。卡位設於店內兩旁，中間就設有大圓枱，當然亦有私隱度高嘅廂房！中間嘅圓枱較迫，同前後都非常親密，如果一大班人幫襯又想坐得舒服嘅話，就最好預約廂房喇！
唔知係咪中午食飯時間人多，人手唔夠，冇人傳菜嘅關係，大部分嘅餸菜都只係暖暖地，唔太熱 中菜始終都係熱食最好嘛！因為部門聚餐，今次就叫好多飽肚嘅澱粉質！
回鍋肉炒年糕 - 一次食晒兩大皇牌，回鍋肉唔熱，所以年糕都硬咗少少。味道方面同傳統三六九相比就略為淡口啲，突顯唔到上海菜嘅濃油赤醬嘅特色！
金磚豆腐 - 粉漿好薄，豆腐本身非常嫰滑，唔會死實實咁。但同樣地因為唔熱嘅關係，外皮就唔夠脆，而且粉漿基本上係冇味嘅，只係炸好後灑上七味粉，所以非常清淡。
皇牌小籠包 - 暖暖地易入口，味道鮮美。
柚子雞 - 即係炸雞上面淋上柚子汁，炸雞炸得乾脆，柚子汁清爽解油膩，同炸雞係絕配！
咕嚕肉 - 香脆味濃，甜甜酸酸，應該無人會唔鍾意嘅！
銀牙肉絲炒麵 - 彈牙蛋麵用中火煎成麵餅，煎到脆卜卜，淋上銀牙肉絲汁，令到一碟麵有脆、彈牙兩種口感，讚
素菜春卷 - 春卷皮比一般酒樓厚啲，配全素菜（椰菜，甘荀，木耳）餡，唔會成口油，口感清爽！
生煎包 - 包底沾上芝麻，煎到香脆，一口咬住，肉汁四射，口腔內滿滿肉香，芝麻香氣！
鍋貼 - 又係唔熱，而且煎得唔夠脆，以至口感油膩，失望
闊佬炒飯 - 即係瑤柱蛋白炒飯，油咗少少，但炒得乾身，味道可以！不過，當食晒所有餸菜都未到，催咗兩次後至發現漏單，最後再多等廿幾分鐘，闊佬炒飯應該叫闊佬懶理炒飯至真！
除咗漏單事件外，店員服務其實周到！
回鍋肉炒年糕
29 瀏覽
0 讚好
0 留言
金磚豆腐
40 瀏覽
0 讚好
0 留言
小籠包
30 瀏覽
0 讚好
0 留言
柚子雞
45 瀏覽
0 讚好
0 留言
咕嚕肉
31 瀏覽
0 讚好
0 留言
銀牙肉絲炒麵
32 瀏覽
0 讚好
0 留言
素菜春卷
28 瀏覽
0 讚好
0 留言
生煎包
19 瀏覽
0 讚好
0 留言
鍋貼
23 瀏覽
0 讚好
0 留言
闊佬炒飯
39 瀏覽
0 讚好
0 留言
張貼
