茶救星球蔬果茶

營業中

休息中

見到店內有個燈箱寫住「畀個機會苦瓜，其實唔苦」好搞笑，但確實如此👍🏻苦瓜氣味苦、性寒，入心、肝、脾、肺經。清熱祛心火，解毒，明目，補氣益精，止渴消暑。除左咁，苦瓜嘅維生素C含量好高，佢嘅養份仲有滋潤白皙皮膚，鎮靜和保濕肌膚之效，好有益㗎。🧋苦瓜檸檬茶（凍）$29講番杯野，佢用香水檸檬🍋加苦瓜，見佢真係人手攪爛佢，唔係用機㗎，好處係可以食到細細粒嘅苦瓜，飲到啖啖嘅檸檬肉，真正手打苦瓜檸檬茶。成杯野好清新，好香，好解渴，食飽飽去飲解膩一流。苦瓜有輕微甘，真係唔苦㗎。🧋牛油果銀耳露（暖）$32睇嚟係期間限定，生果加糖水呢個組合夠晒噱頭。牛油果🥑加埋銀耳露，諗到都好潤😌。飲到有牛油果肉，銀耳，有啲青味，最得意係食到似薏仁嘅野，飲到底見到啦，原來係爆珠，佢嘅爆珠好特別，入面包住粒真係薏仁，煙煙韌韌，口感一流，好值得一試👍🏻🉐。除左飲品仲有隻苦瓜豬，同隻小麻雀，好搞笑。