Nomad Burger (德民大廈) (已結業)

放工好想食burger，既然依家放工後邊道都無得堂食，不如去外賣burger店買返屋企食。Nomad好處係burger由外至內都可以自己打造，Broiche、bagel、vegan burger同Keto burger都可以揀，餡料可以揀，醬料可以揀，每樣單獨計錢。呢個係牛油軟包double beef加芝士蕃茄配wasabi mayo，外賣的不好就係凍左一半，始終差咁d...不過牛油軟包真係幾軟身幾香，芝士都做到半肉嘅狀態，塊牛都算Juicy。個包唔算非常大，比mos burger大啲。塊牛又再比個包細塊啲....揀左比較偏門的bagel配雞肉，bagel中間圈圈部分被洋蔥整濕哂，搞到個包底爛爛地漿漿地，食bagel最緊要有咬勁，呢個就普通啦，質地有啲似麵包，似一個外皮唔啱嘅法包，有啲乾，塊雞扒都冇乜特別。薯條無附上茄汁，炸得比較乾身，麻麻地。