手日土咖啡室 (已結業)

觀塘區多樓上coffee shop 就唔使講啦，話說今日平日放假，漫無目的，記得之前喺網上邊見過呢間咖啡店，點解我會咁記得?因為呢度可以有埋陶瓷班同埋拉花班上堂架見今日冇嘢做，就自己一個人上咗嚟chill下啦，由於平日嘅關係應該唔會有人好似我咁自己走上嚟Hea，果然一推門係無客人既，仲好啦自己一個好舒服呀呢度有個開放式嘅陶瓷室，係可以望到入面整陶瓷，望完個Menu就決定嗌杯Flat white 先，見呢度可以轉杏仁奶，都未試過杏仁奶加咖啡，一於試吓佢先☕️☕️☕️好鍾意呢度嘅陶瓷咖啡杯，搞到我都想上下堂，整返個陶瓷杯添！其實我未飲過杏仁奶，原來杏仁奶加咖啡係咁嘅味道，呢隻味完全係未飲過既，聽人講杏仁奶好健康架喎就係咁靜靜地渡過左一個Tea Time啦！係臨走嘅時候，呢度嘅老闆請咗我飲一細杯新研製嘅薑茶，欣賞呢度嘅老闆用心整作同調校味道，希望以最好味嘅成品比客人飲用！加油呀！