華苑餐廳

營業中

休息中

錦田市都算有好多食市，但有提供泊車停車場嘅就唔係太多，呢間餐廳係其中一間，餐廳喺對面馬路有個約有七至八個車位嘅停車場方便食客。呢日本身都無諗住喺度食，不過揸車見呢個停車場有位，而錦田市本身喺好難揾停車位，見有得泊車，咁就一於喺度攪掂lunch啦！餐廳都算大，但入到去幾乎座無虛席。揀左個金針雲耳蒸滑鷄飯配熱奶茶($45), 餸同飯係分開上嘅，兩樣份量都好足。有好多件鷄，鷄食落都幾滑溜，調味都唔錯，美中不足係好似蒸得耐左少少，但係都算唔錯。個熱奶茶就好ok, 茶同奶嘅比例唔錯亦夠順滑，絕對配得起茶記港式奶茶嘅身份!