影片
更多
2023-02-17
47 瀏覽
女朋友嘈咗好耐話肚餓，但我哋一直都諗唔到食咩，所以我哋就係咁行睇吓啲咩食，咁啱俾我哋見到呢一間，而女朋友又鍾意食日本嘢喎，所以我哋就入咗去食呀。我哋嗌咗一個二人套餐，就乜都有得食下咁。季節小食有三款，三款都各有特別，亦都好開胃。生蠔識落好新鮮，肉質飽滿得來又鮮甜。算係我食過嘅生蠔入邊數一數二嘅好食。精選刺身五點有油甘魚、三文魚、吞拿魚、帆立貝同左口魚。食得出所有刺身都好新鮮，當中我最鍾意食嘅係帆立貝，食落爽口得來又鮮甜。店員親手燒北寄貝，燒到啲汁都出晒嚟，而又唔會過熟，掌握得好好。而啲汁非常有鮮味。店員建議我地一個揀咗鮑魚一個揀咗帆立貝，咁我哋就可以一齊食。鮑魚同帆立貝都鮮味十足，亦都好新鮮，都係好爽口彈牙咁。人氣蟹味噌甲羅燒入面包含大量蟹膏，同埋面上面一堆嘅蟹肉。蟹膏加上味噌味食落好和諧，佢另外仲有附上多士。多事再加上一大匙蟹肉蟹膏味噌，簡直係一大享受。濃郁嘅蟹膏味噌配上脆卜卜嘅多士，簡直滿足晒我口感同味道嘅要求。火炙香蔥三色迷你海鮮丼份量唔係好多，係一個我哋食咗好多嘢之後亦都會食得晒嘅份量。因為燒完，所以食落油脂感會更加重，所以好好食，亦都食到好飽。成田蒲燒鰻魚丼嘅鰻魚幾高質，鰻魚
我哋嗌咗一個二人套餐，就乜都有得食下咁。
季節小食有三款，三款都各有特別，亦都好開胃。
生蠔識落好新鮮，肉質飽滿得來又鮮甜。算係我食過嘅生蠔入邊數一數二嘅好食。
精選刺身五點有油甘魚、三文魚、吞拿魚、帆立貝同左口魚。食得出所有刺身都好新鮮，當中我最鍾意食嘅係帆立貝，食落爽口得來又鮮甜。
店員親手燒北寄貝，燒到啲汁都出晒嚟，而又唔會過熟，掌握得好好。而啲汁非常有鮮味。
店員建議我地一個揀咗鮑魚一個揀咗帆立貝，咁我哋就可以一齊食。鮑魚同帆立貝都鮮味十足，亦都好新鮮，都係好爽口彈牙咁。
人氣蟹味噌甲羅燒入面包含大量蟹膏，同埋面上面一堆嘅蟹肉。蟹膏加上味噌味食落好和諧，佢另外仲有附上多士。多事再加上一大匙蟹肉蟹膏味噌，簡直係一大享受。濃郁嘅蟹膏味噌配上脆卜卜嘅多士，簡直滿足晒我口感同味道嘅要求。
火炙香蔥三色迷你海鮮丼份量唔係好多，係一個我哋食咗好多嘢之後亦都會食得晒嘅份量。因為燒完，所以食落油脂感會更加重，所以好好食，亦都食到好飽。
成田蒲燒鰻魚丼嘅鰻魚幾高質，鰻魚汁嘅調味都啱啱好，唔會太甜得來又太重味。最緊要嘅係鰻魚嘅魚油香味冇被鰻魚汁蓋過！就算我哋食到好飽都好，眨吓眼就俾我哋食晒呢個鰻魚丼。
紅豆杏仁布甸幾好食。香濃嘅杏仁味，再加上甜甜地嘅紅豆，食落好融洽！個布甸亦都唔會太硬，啱啱好。
呢間餐廳食物都幾抵食，食材都新鮮，如果間唔中嚟食一次嘅話我覺得都可以。
張貼
