Hygge (已結業)

之前喺某雜誌嘅網站見到呢間cafe嘅甜品超吸引 就即刻約埋港女朋友一齊嚟食 仲可以打卡影相添 間餐廳用咗好多木同石屎去裝修 極度文青 而且燈光昏暗 好適合傾偈 前菜叫咗個蒜蓉法包 夠曬香脆同香口 酥炸魷魚圈配黑松露沙律醬 呢個極度推薦 黑松露勁大堆頭 好奢侈 酥炸嘅魷魚圈點埋黑松露同沙律醬一齊食勁香口惹味 而且黑松露嘅味道停留喺口腔好幸福 西班牙乳豬配沙律菜 西班牙乳豬個皮勁脆卜卜 而且份量唔細 不過有啲肥膩 要去除皮下脂肪先食 感覺冇咁內疚 肉質好滑 醃得超入味 而且多肉汁 係乳豬嘅威力 沙律菜配上沙律醋 好清新 可以一解乳豬嘅油膩感 大蝦意粉 個意粉少少微辣 好開胃 大蝦夠鮮味 而且新鮮度 十分彈牙 芒果乳酪沙冰水 蜜桃乳酪沙冰 兩個生果味都好濃郁 配上乳酪 清新唔太甜 沙冰好幼滑 入口即溶 到咗主角甜品 呢個甜品係用糖膠做成氣球嘅外殻 然後入面打上氦氣 吸入之後再講嘢可以變聲 超得意 不過要勁快手食 所以我都冇影到相呀 哈哈埋單六百幾 兩個人食得超飽 仲有得玩變聲氣球甜品 好可愛