HABO室內釣蝦場 (已結業)

聽朋友講呢度有個室內釣蝦場，近近地想搵啲嘢玩吓嚟試吓！一入去覺得好興奮呀未去過呢啲釣蝦場，聽聞日本都會有！ 一個鐘$110至$140不等 睇吓佢有冇做promotion我哋就玩咗一個鐘，店員好細心咁教我哋點樣調，之後就等我哋發揮啦頭頭都覺得好絕望，好似完全冇feel咁 去到後期開始拿捏到！有兩次都係勾到上一半就俾佢飛落去記實唔夠呀 唔可以太心急扯佢上嚟要等佢食咗啲先咬實佢！不過去到45分鐘嘅時候，我終於釣到一隻啦勁興奮！之後夠鐘嘅時候原來店員已經整定嘢食等緊我哋㗎啦校好晒時間超細心！就算每人有五隻蝦！我哋再試吓其他小食同埋唔同嘅整法 每個口味各有特色！我哋就最鍾意醬油味甜甜地好開胃椒鹽就食蝦嘅味 仲有麻辣㗎，啱晒鍾意食辣嘅人！然後仲可以加汽水添好好玩呀好過癮，唔想淨係食嘢咁悶，其實放假都可以嚟玩吓架🩷下次我一定要釣多啲！😎🙂‍↕️