炑八韓烤親子餐廳

營業中

休息中

我同老公想食韓燒，而婧妤婧楠就想去玩，咁就黎左觀塘嘅炑八韓烤親子餐廳，一入到嚟，佢地就已經比遊戲室入面嘅波波池吸引住！即刻除鞋入去玩，有滑滑梯波波池、超市玩具、扮演區玩具、仲有好多唔同嬰幼兒嘅玩具可以玩……兩姊妹玩得好開心，而我同老公坐嘅座位正正就係可以望到佢地玩之餘，又可以享受韓燒嘅時間🌸海豚暢遊碟豆花磨菇汁飯擺盤好靚，有蟹籽、紫菜、蝦、青瓜，配料好豐富，好健康🌸雪花厚切五花肉店員好好主動幫手燒製，好厚身又長嘅五花肉，雪花分布好平均，肉質多汁，味道濃郁！配埋新鮮生菜包埋一齊食🌸外裙肉燒烤之後食落口仍然保留到肉汁，仲食到濃郁嘅牛味，口感軟嫩但又帶少少嚼勁🌸韓國醬油蝦配紫菜飯 幾隻大大嘅蝦，浸喺滿滿嘅醬汁入面，每隻蝦都好入味，仲有蝦嘅鮮味，配埋紫菜飯，好惹味🌸狂野叢林芒果窩夫配雪糕暖暖脆脆嘅窩夫🧇配埋大量嘅cream同埋芒果粒連埋雪糕一齊食🌸芒不了的芒果乳酸特飲，清新香甜🌸莓有煩惱的藍莓乳酸特飲，味道酸酸甜甜，🎀餐廳舒適寬敞，餐廳店員服務態度好友善！有啲座位仲係韓屋設計，好細緻好靚！著住韓服體驗一邊食韓燒，好似置身喺韓國咁