影片
更多
2020-05-30
55 瀏覽
限聚令下都要聚一聚。4人同行黎呢間有燒烤食，又有嘢玩（夾蝦）既自助餐。餐廳內唔同位置都放左魚缸，方便唔同位置既客人，入面放滿曬大頭蝦係度游黎游去，職員幾細心會教人夾完上黎要點整暈左先燒（放落裝左冰水既冰桶雪佢一陣）費事一路燒一路跳黎跳去，事關啲蝦都堅係好生猛，夾左一陣先摸到技巧，幾好玩，好適合帶埋屋企小朋友嚟之類。燒緊大頭蝦既同時，主廳亦有不少熟食可以拎，D餐前小食泰式鳳爪都好食。又有我最愛既炸榴槤球😋大量飲品，埋尾重可以食埋雪糕球。人頭計會送上手掌心咁大隻嘅鮑魚（有職員細心幫手拆鮑魚膽）同埋一碟宮崎和牛😋😋好正呀！自取重有海鮮：帶子，花蛤，象拔蚌...其他燒物：唔同口味雞翼，金沙骨，雞軟骨，蔬菜菇類等等...都幾多野食。最後一樣勁讚就係有好多唔同醬汁配料提供，青色嗰隻泰式汁最愛，點一點即刻風味返晒嚟🥰啲大頭蝦燒完即食好鮮甜，連頭都有膏，新鮮既蝦食落口感就係實淨彈牙，好味！
4人同行黎呢間有燒烤食，
又有嘢玩（夾蝦）既自助餐。
餐廳內唔同位置都放左魚缸，方便唔同位置既客人，
入面放滿曬大頭蝦係度游黎游去，
職員幾細心會教人夾完上黎要點整暈左先燒
（放落裝左冰水既冰桶雪佢一陣）
費事一路燒一路跳黎跳去，事關啲蝦都堅係好生猛，
夾左一陣先摸到技巧，幾好玩，
好適合帶埋屋企小朋友嚟之類。
燒緊大頭蝦既同時，主廳亦有不少熟食可以拎，
D餐前小食泰式鳳爪都好食。
又有我最愛既炸榴槤球😋
大量飲品，埋尾重可以食埋雪糕球。
人頭計會送上手掌心咁大隻嘅鮑魚
（有職員細心幫手拆鮑魚膽）
同埋一碟宮崎和牛😋😋好正呀！
自取重有海鮮：帶子，花蛤，象拔蚌...
其他燒物：唔同口味雞翼，金沙骨，
雞軟骨，蔬菜菇類等等...都幾多野食。
最後一樣勁讚就係有好多唔同醬汁配料提供，
青色嗰隻泰式汁最愛，點一點即刻風味返晒嚟🥰
啲大頭蝦燒完即食好鮮甜，連頭都有膏，
新鮮既蝦食落口感就係實淨彈牙，好味！
張貼
