九井食堂 (香港仔中心) (已結業)

平時好少入到香港仔，不過有朋友公司係附近，過開港島區嘅我就就下佢～九井食堂（香港仔) 喺其他地方都有分店，呢間好得意，叫lunch套餐仲會包埋出面任你飲，更加有得自製沙冰，正！滑蛋吉列豚肉鍋白飯$ 72裏面啲咖喱好香，仲有熱辣辣嘅吉列豬，唔會太乾，最鍾意就係撈埋佢啲紅蘿蔔及薯仔一齊食，好豐富。炸墨魚咀$ 35呢個比想像中更加有口感，相當香脆。海膽軍艦（2pcs）$ 52三文魚籽軍艦（2pcs） $ 52雖然價錢唔係平，但係真係好想食，而且佢個質素亦都的確對得住價錢，海膽有足夠鮮味，三文魚子亦唔腥。要速戰速決，紫菜先會香脆！茶碗蒸$ 15 x 2裏面個蛋都香滑，而且有其他肉同埋配料，如果鍾意食蛋不妨叫埋。日式枝豆$ 15 少少鹹香，都清新。芝士雞翼餃子$ 25 裏面依然保持好滑，有芝士咸香，送飯一流。